Já sææææææll! Eruði ekki í gríninu. Hvað er eiginlega í gangi með þessa síðu?
Þessu verðum við bara að breyta, ekki spurning. Jæja en hvað um það, nú hefur okkar frábæra starfsmannafélag ákveðið að bjóða til keilu keppni milli deilda og einhverjar léttar veitingar, þó ekki áfengar (menn geta bara splæst á sig sínum bjór sjálfir). Herlegheitin hefjast stundvíslega klukkan 18:00 föstudagskvöldið 10. sept. og er mökum boðið að vera með að þessu sinni. Sigurvegari kvöldsins fær vegleg verðlaun "sem að þessu sinni er grobbrétturinn á sigrinum" og hugsanlega fær hann kannski að vera með að ári, hver veit. En eins og konan sagði  við skulum bara láta fætur standa fram úr skálmum og berja tvær flugur í sama höfuðið. Koma svo, einhver hlýtur að geta ruglað á móti mér hérna á síðunni, þetta er að verða svo einslitt alltaf sami gaurinn með sömu lélegu brandarana.
Jæja kveð að sinni, já vel á minnst hvar ætli "kúturinn" margumtalaði sé niðurkominn.

Stebbi   

Sæl öll!
Ég fann nokkrar gamlar myndir í tölvunni (teknar einhvern Öskudaginn) og setti inn í albúm "myndir sem fundust í tölvu"
Það væri rosalega gaman að fá myndir inn frá strákaferðinni og árshátíðinni 2009.  Ef einhver lumar á svoleiðis myndum og er til í að leyfa okkur að njóta þeirra má gjarnan koma þeim inn annað hvort ljósmyndarinn sjálfur (sem fær þá aðgang) eða koma þeim til einhvers sem hefur aðgang og kann að setja þær inn.

Kv Stebbi.  

Jæja ágætu samstarfsmenn og eiginkonur...
þá er árshátíðarhelgin yfirstaðin, ég vill byrja á því að þakka nefndinni fyrir frábæra skipulagningu og góða helgi.
Ég var að setja inn nokkrar myndir núna, úr keilunni og af skotsvæðinu hjá konunum, það eru reyndar nokkar myndir í viðbót úr keilunni heima.. sem einhverra hluta vegna skilurðu sér ekki til mín í póstinum í morgun.. reyni að bæta úr því í kvöld eða á morgun.
Það var sem sagt byrjað á föstudeginum í keilu þar sem 4 fimm manna lið kepptu.. skemmst er frá því að segja að Eiður rústaði þeirri keppni, hann er eitthvað að reyna að sýna takta, getur ekki spilað fótbolta þessa dagana grey drákurinn.....
Á laugardeginum var stormað í óvissuferðir, stelpurnar komu á æfingarsvæði Skotveiðifélagsins þegar strákarnir voru að klára þar,  við fengum að reynar við 5 leirdúfur hver.. gekk mjög misvel að hitta þessar skjátur.. þær voru að mínu mati alltof litlar og fóru líka of hratt fyrir minn smekk.. Helga hans Jörgen stóð algjörlega uppúr kvennateyminu í þessu.. náði öllum 5!!  Svo var farið í riffilhúsið.. ÞAR VAR GAMAN..!! okkur gekk svona vel að hitta skífur..sem hreyfast ekki neitt!! Kvennahópurinn var með hærra skor en karlarnir, sem algjörlega bjargaði heiðri okkar eftir leirdúfurnar.  Magga og Stína voru hæstar með 49 af 50 mögulegum, þess má geta til gamans.. að Númi var hæstur af körlunum með  ... 48.... !!!
þá kom gamla hrukkudýrið sem keyrði okkur og fór næst með okkur í danskennslu, þar áttum við að læra dans til að sýna um kvöldið, lærðum 3 dansa.. vorum ekki lengi að því, síðan vorum við látnar taka æfingar fyrir bingvöðva..! rass og læri!! talað um augnpoka, appelsínuhúð og fleira.. við erum ennþá að reyna að átta okkur á skilaboðunum ????
þarna tók ég engar myndir.. enda brjálað að gera sko!!
En við vorum fljótar að gleyma skilaboðunum þegar næsta atriði var kynnt.. 2 tíma dekur í Abaco.. mmmm... í pottinum fengum við axlanudd, maska og þær sem vildu fóru í ljósabekk. Með þessu voru bornir fram ostar, nammi og drykkir, reyndar bara dásamlegt.
Þarna datt mér ekki í hug að mynda okkur fáklæddar, með bingóvöðva, appelsínuhúð... og
augnpoka.. þannig að þið verðið bara að ímynda ykkur þetta.
Um kvöldið var maturinn frábær, allavega sá ég að Arnari þótti maturinn það góður að hann át sinn og kláraði af diskunum hennar Steinu líka   Pistilinn hjá Hannesi góður að vanda og skotið var fast á "lykilmenn" í skemmtiatriðum.. frábært væri ef einhver á mynd af gjöfinni  hans Árna að skella henni inn!!
Ég sem sagt var ekki með myndavél um kvöldið, en veit að það voru margir, þannig að endilega deila þeim með okkur hérna á síðunni
Takk öllsömul fyrir frábæra samveru..
Rannveig

Þá er lokið hinum árlega bikarúrslitaleik á milli Ferro liðanna. Leikurinn reyndist vera hin besta skemmtun þetta árið og var allt  í járnum mest allan tímann. Hafnarfjarðardrengir náðu forystu um miðjan fyrri hálfleik en við jöfnuðum skömmu síðar. Þeir laumuðu svo inn marki  í blálok hálfleiksins og staðan því 2-1 fyrir heimamenn þegar leikmenn gengu til búningsherbergja.
Í þeim seinni hófst gríðarleg barátta og stórskotahríð norðanmanna. En eftir fjölmargar tilraunir fengum við skyndisókn í smettið og staðan orðin 3-1. Þá loksins kom annað mark frá okkur og staðan 3-2 og skammt eftir. Við pressuðum og pressuðum og gerðum gersamlega allt nema að skora. Besta færið fékk Bjarni Hafþór en hann setti boltann í slána á einhvern óskiljanlegan hátt. Í kjölfarið kom skyndisókn frá sunnanmönnum sem rataði fram hjá Ragga í markinu. 4-2 og tíminn liðinn. Á einhvern óskiljanlegan hátt bætti kjarklaus og þreklaus dómari leiksins við nokkrum mínútum og á þeim tíma settu heimamenn 3 mörk og lokastaðan því 7-2! Tölur sem endurspegla engan vegin gang leiksins en staðreynd eingu að síður!
Við þjálafarnir (Eiður og Númi) öxlum auðvitað 100% ábyrgð á tapinu en leikmenn brugðust okkur heldur ílla. Það var faglega staðið að öllum okkar aðgerðum, allt útpælt og unnið af mikilli samviskusemi. En það dugði bara því miðuir ekki til að þessu sinni. Skv Skysport er talið að við verðum ekki lengi án atvinnu og nú þegar hafa nokkur lið haft samband. En þar sem við erum báðir miklir keppnismenn dauðlangar okkur að fá annan séns til að stýra þessu liði. En það er víst ekki í okkar valdi og við gætum neyðst til semja við annað lið. Hver tekur t.d.við af Rafael Benites þegar Poolararnir sparka honum.
En þeir sem spiluðu leikinn voru eftirfarandi
Raggi (m), Jóhann G, Jói Húðun, Ingi Freyr, Búi, Davíð Sverris, Haddi Junior, Haddi Senior, Hannes, Bjarni Hafþór og Grétar. Þjálfara voru Eiður og Númi og klappstýrur voru hinir skrautlegu Aðalsteinn og Jón Haukur.

Annars var ferðin í heildina mjög vel heppnuð og djammið klikkaði ekki frekar en áður. Það voru þreyttir en sáttir menn sem stigu upp í rútuna heim kl 10 á sunnudagsmorgun og mér skilst að það hafi verið autt alla leið heim!

Sigrum að ári!!!!!

Best regards

Heilir og sælir kæru lesendur.

Ég spyr bara eins og hinir "hvar er bikarinn?". Ég veit ekki betur en að þjálfarateimið okkar hafi verið með þvílíkar yfirlýsingar um að koma heim með bikarinn en ég hef ekki séð hann ennþá. Ég er einnig búinn að biðja um leikskýrsluna en fæ ekki, veit ekki af hverju. Kannski er það vegna þess að stjórarnir gátu ekki staðið við stóru orðin, veit ekki. Allavega "eins og á mörgum stórmótum" var uppbótar tíminn mikilvægur öðru liðinu. (Eða svo hef ég heyrt.) Hvað varð um þessar 60 sek. sem þeir félagar Sverrir og Tómas ætluðu að leggja til í leiknum? Ég hef líka heyrt að leikurinn hafi farið fram í Kórnum í Kópavogi og hafi verið spilað Hafnarfjarðar megin í húsinu. Í þessum orðum var verið að hvísla því að mér að þetta hafi verið "DÓMARASKANDALL" og að dómari leiksins hafi verið á mála hjá Hafnarfjarðar mafíunni. Sel það ekki dýrara.
 P.S. Ég held að þetta sé bara eitt stórt samsæri.

Kveð að sinni (enn með kútinn)
Stebbi

Góðan dag dúllurnar mínar.

Senn líður að hinum árlega bikarúrslitaleik milli Ferro Zink stórliðanna, Akureyrardeildin gegn Hafnarfjarðardeildinni. Þrátt fyrir afar hagstæða stuðla á lengjunni megum við alls ekki vanmeta sunnanmenn og fara mjög varlega í allar "úrbeiningar". (muna samt eftir hnífum) Fyrirhugaður leikstaður er Fífan í Kópavogi "þar sem sunnanmenn vildu koma til móts við okkur og færa leikinn miðja vegu milli Hafnarfjarðar og Akureyrar" og leikdagur er laugardagurinn 7. nóvember klukkan 19:00 (gæti orðið fyrr, fer eftir komutíma til höfuðstaðar suðurlands). Þeir sem ætla að spila skulu græjaðir öllum standard búnaði til slíkrar iðkunar, þó verða treyjur afhentar á staðnum. Þeir sem ætla ekki að spila en fara samt með suður skulu klæðast bleikum klappstýrufatnaði á mótsstað og kvetja okkar menn.
P.S. menn verða að skaffa sér sína búninga sjálfir.
Þjálfarar okkar ÆTLA að koma með bikarinn heim (sjáum til hvernig það gengur)
Haft eftir THE MANANGER.
En þá að máli málanna, starfsmanna sjóðnum. Nei djók.
Varðandi árshátíðina þá er búið að ákveða hvernig það verður. Herlegheitin hefjast föstudaginn 13. nóv. kl 19:30 í keilusalnum þar sem menn etja kappi kvattir af mökum sínum (makar verða klappstýrur/stjórar þó ekki í bleiku búningunum). Laugardagurinn hefst með óvissuferð stráka klukkan 11:00 frá Árstíg 6 klæðnaður þarf að henta útiveru, stelpurnar mæta hins vegar kl 13:00 við Árstíg 6 í sína óvissuferð einnig klæddar eftir veðri. Áætluð heimkoma er kl 17:00.  Árshátíðin hefst svo stundvíslega kl 19:30 á Vélsmiðjunni með fordrykk. Matseðilinn get ég því miður ekki haft eftir þar sem ég fæ svo mikið vatn í munninn að ég slefa bara út allt lyklaborðið, en það verður glens og gaman fram eftir kvöldi og endar svo með heljarinnar balli með stórsveitinni SIXTIES.

Kveð með kútinn í fanginu núna (enda til í slaginn)
Stebbi stuð (bullmeistari fyrirtækisins).

Komiði sæl og blessuð.

Ég hleraði það í dag að árshátíðin okkar verður á Akureyri og höfðu menn á orði að þetta yrði stórskemmtilegt þriggja daga prógramm. (Eitthvað skemmtilegt á föstudagskvöldinu, árshátíðin og eithvað skemmtilegt á laugardeginum og svo timburmenn dauðans á sunnudeginum.) Ég meina, hvað viljiði hafa það betra? En varðandi fótboltann þá verður hann að öllum líkindum í erfiðari kantinum því þjálfari norðanmanna er STÓRSLASAÐUR eftir fótbolta æfingu (hjá varaliðinu) og fyrirliðinn er að jafna sig eftir tábrot og spilar því ekki með. En góðu fréttirnar varðandi fótboltann eru þær að tveir af máttarstólpum fyrirtækisins, þeir Sverrir og Tómas, ætla að mæta og leggja sig alveg 100% fram og eftir ítarlega læknis skoðun hefur komið í ljós að þeir félagarnir endast sennilega samanlagt í um það bil 60 sec. Það fylgdi reyndar líka að tveir af lykilmönnum sunnanmanna væru veikir (með svínaflensu) og yrðu vonandi ekki búnir að jafna sig þennan dag sem mótið fer fram.

Kveð í kútinn  Stebbi

Hæ,dí,hó alle húbba.

Ég hef tekið eftir því á ferð minni um þessa bloggsíðu að fólk er alveg hætt að þora að kommentera hin ýmsustu skrif sem hér byrtast. Síðasta athugasemd er t.d. skrifuð 04.03.2009 og ef ég man rétt var það undirritaður sem skrifaði hana. Mér finnst asnalegt að kommentera það sem ég skrifa sjálfur og læt það því vera. Einnig finnst mér það miður ef menn sem þora að skrifa, (sem eru ekki margir) þora samt ekki að setja stafina sína undir. Ekki veit ég við hvað þið eruð hrædd, ég til dæmis hef ekki enn fengið á mig kvörtun út af einhverju sem ég bulla hér (fæ ekki einu sinni komment). En hvað um það. Nú er farið að styttast all verulega í fótboltamótið og árshátíðina."jibbí".

Nóg þvælt í bili
Kv Stebbi

Kæru félagar.

Eftir skrif mín í gær tóku stjórnarmenn heldur betur við sér og var ég fenginn til að útbúa auglýsingu hið snarasta varðandi ÁRSHÁTÍÐINA og viti menn það var þá rétt sem ég hafði heyrt. Hún verður laugardaginn 14. nóv. en ekki er búið að úthugsa stað og nákvæma tímasetningu. (það kemur seinna) Allavega hef ég ekki fengið neinar upplýsingar um það. 
Það borgar sig stundum að tuða og nöldra "allavega virkaði það núna" því ég fékk í gegn dagsetningu á komandi árshátíð "ekki satt".
Stjórnin er greinilega að gera góða hluti, það fá bara svo fáir að vita hvað er í gangi.
Ég get nú samt upplýst það að Númi er allavega á tánum hvað varðar félagið enda vaskur stjórnarmaður þar á ferð. Sverrir er ekki síður að standa sig enda búinn að redda rútu fyrir fótboltaferðina og er sveittur við árshátíðar undirbúning. Strákarnir töluðu um að það ætti jafnvel að gera eitthvað eins og í fyrra þ.e. stelpur í dekur og strákar í óvissuferð.
Það allavega lukkaðist rosalega vel þá.

Gott af bulli í bili
Kv Stebbi

Kæra samstarfsfólk.

Haldiði að ég hafi ekki hlerað það á dögunum að það sé búið að fastsetja fótboltamótið SM cup fyrstu helgina í nóvember (en samt er ekki búið að setja upp auglýsingu). Maður er nú bara farinn að halda að þetta mót sé bara fyrir einhverja fáa útvalda. Allavega hef ég bara heyrt þrjá menn tala um þetta en það eru tveir úr stjórn félagsins okkar og svo settur dómari á leikinn. Einnig heyrði ég að árshátíðin væri fyrirhuguð helgina eftir þ.e. þá sennilega 14. nóv. Hvernig væri að stjórnin geri nú eitthvað í því að auglýsa þessa viðburði. Hvað finnst ykkur? 
Ja, maður hreinlega spyr sig.
Svo finnst mér allt í lagi að við fáum að vita hvor eftirtalinna hafi tekið sæti Tryggva í stjórninni, þ.e. Jörgen eða Róbert.
 Ef þeir sem eru í stjórn eru eitthvað hræddir við að skrifa á síðuna þá má alltaf fá einhvern til að bjarga því, þó ekki sé nema að koma einhverjum tilkinningum til skila.

Hef það ekki fleira að sinni.
Kv Stebbi

Jæja ágætu samstarfsmenn og konur.

Mikið hefur verið rætt um jeppaferðir starfsmannafélagsins "sem hafa legið niðri í ein tvö ár" hvort ekki ætti að fara að fara eitthvað? Eins og glöggir lesendur þessarar bloggsíðu vita, bauð "SMIÐJUGENGIÐ" upp á jeppaferð síðastliðinn laugardag. Ferðin "sem heppnaðist í alla staði frábærlega" var farin í ÆÐISGENGNU veðri. Lagt var af stað frá Leirunesti kl:10:15 að staðartíma og ekið sem leið lá inn í Hólsgerði og þaðan áfram og upp á hálendið. Ekið var áfram (með nokkrum sögustoppum) inn í Laugarfell þar sem við fengum okkur kaffi. Eftir hressinguna var ekið uppá Laugarfellið og skoðað útsýnið þaðan (sem er stórkostlegt) áður en lagt var af stað til byggða og var förinni heitið í Vesturdal í Skagafirði. Þar var stoppað og drukkið kaffi,spjallað aðeins áður en haldið var áfram í Varmahlíð. Þar fengum við okkur ís til að hafa orku í síðasta áfangann og vorum við komin heim um kl:19:30. Háværar raddir kvarta um að ekki sé nóg gert, en þegar einhver gerir eitthvað í málinu (þ.e. smiðjugengið í þessu tilfelli) heyrist samt sem áður í háværustu röddunum "ég sé mér ekki fært að koma, ég nenni ekki að fara þangað, ég veit ekki hvort ég nenni nokkuð". Við vorum meira að segja búnir að finna 100L. brúsa fyrir Núma til að taka með. (þar sem tankurinn á bílnum hans er svo lítill)En hvað um það, þeir sem ekki komu með misstu af miklu. 

Kveð að sinni.
Stebbi. 

Jæja góðir hálsar.
Haldiði að ég hafi ekki hlerað það uppá plani að jeppanefndin sé farin að undirbúa næstu jeppaferð og töluðu menn um að hún yrði mun veglegri þetta árið en síðustu tvö ár samanlagt. Bravó, húrra fyrir því.  Einnig heyrði ég því kastað fram að árshátíðar undirbúningur standi nú sem hæst en því miður komist Jón hlaupari ekki þetta árið sökum anna og virðist Magga vera guðslifandi fegin, enda orðin þreytt á að hlaupa undan karlinum. Stjórn starfsmannafélagsins okkar þarf að kalla til varamann (annaðhvort Jörgen eða Róbert) á næstu misserum þar sem einn úr stjórninni er að hverfa af launaskrá okkar ástsæla fyrirtækis og sinna öðrum verkefnum. Ég heyrði líka að litla jeppanefndin (þ.e. smiðjugengið) hyggist fara Vesturdalshringinn þ.e. upp úr Eyarfirði inn í Laugarfell og niður í Vesturdal í Skagafirði, næstkomandi laugardag þann 5. sept. (ef veður leifir) Ef menn hafa áhuga á að koma með strákunum úr smiðjunni er bara að setja sig í samband við Hólmar og fá nánari útlistun á ferðinni. Það skal tekið fram að þeir sem fara í þessa ferð þurfa að sjálfsögðu að nesta sig sjálfir þar sem þetta er ekki á vegum starfsmannafélagsins okkar (allavega ekki ennþá). Ef menn hafa áhuga en eiga ekki jeppa má alltaf fá far þar sem er pláss. Mér var einnig sagt "af ólygnum manni" af hafin sé söfnun á bensínbrúsum fyrir Núma þar sem tankurinn hjá honum tekur svo lítið að hann er svolítið hræddur um að komast ekki aftur til byggða.
 Jæja nóg af rausi í mér í bili.
Kv Stebbi

Jæja góðir hálsar!!!
Þá hefur stjórn okkar frábæra starfsmannafélags ákveðið dagsetningu á hinum árlega þrifadegi.  Í ár hefur 29. maí orðið fyrir valinu (sem er föstudagur)
Hafist verður handa strax að vinnu lokinni og lóðin tekin í gegn sem aldrei fyrr. Nú að venju verður svo endað á einhverjum veitingum áður en menn fara heim.(eða eitthvað annað)  Nú hvet ég alla til að koma og gera sitt besta til að lóðin líti sem allra best út í sumar.
Kv. Sebbi 

Sæl öllsömul
Jú Stebbi ég skal nudda aðeins líka hérna,  Þátturinn fékk bréf.. að vestan!! í því var þessi mynd af starfsmanni hér á skrifstofu.  Með bréfinu var sérstaklega óskað eftir því að myndin birtist almenningi á síðu þessari.   Ég gat ekki annað en orðið að óskinni.  Njótið vel

Jæja góðann daginn góðir hálsar!!!
Nú hlýtur að fara að styttast í þrifadaginn, ég trúi ekki öðru (þó að ekkert hafi heyrst frá stjórninni). Það væri t.d. mjög gaman að fá einhver drög að dagskrá fyrir árið, jú við erum búin að fara í leikhús (sem var náttúrulega tær snillllllllllllld) en síðan hefur bara ekkert gerst eða heyrst. Þrifadagurinn hefur yfirleitt verið undir lok Maí en það þarf auðvitað að semja um það við Tómas.
Jæja gott af rausi í mér í bili.
Kv Stebbi